ژ ئەنجامێ بەشداریکرنا د بەریکانەیەکا باشترین پەرتووکا سالێدا ئەڤا ل دەمێ بووری هاتییە ڕێکخستن و پاشان ل
ڕۆژا سێشەمبییا بووری ل ڕێـککــەفتی (٢٥/٣/٢٠٢٥) ل باژێرێ سلێمانیێ ب ئامادەبوونا هژمارەکا کەسایەتیێن دیار ژ کەرتێن حکومی و تایبەت د بیاڤێن ڕەوشەنبیری و کەلتووریدا و ل ژێر چاڤدێرییا پارێزگارێ سلێمانیێ بەرێز (د.هەڤال ئەبوبەکر)، ڕێکخراوا هەژان بۆ فیکر و مەعنەوییە ڕێورەسمێن خەلاتکرنا باشترین پێنج پەرتووکێن ساڵێ سازکر.
هەژیە بێژین؛ ل دەستپێکێ پەرتووک دهێنە دەستنیشانکرن و پاشان دچنە پێشبرکێیەکێ دا و ژلایێ لژنەیەکا زانستی یا سێ کەسی ڤە دهێنە هەڵسەنگاندن و دیارکرن.
د ئەڤ ساڵەدا پەرتووکا بەرێز (وەحید سندی) مامۆستا ل پشکا زمانێ کوردی - زانکۆیا زاخۆ، پشتی پشکداری و هەڵسەنگاندنێ، هاتە هەلبژارتن وەک ئێک ژ باشترین پەرتووکێن ساڵێ.
